Кунпа çĕр хăвăрт улшăнаççĕ...

Анатолий Юман | Сăвă | 311


Кунпа çĕр хăвăрт улшăнаççĕ,

Иртет эрне хыççăн эрне.

Вĕсем яланлăхах чăмаççĕ,

Путаççĕ ĕмĕр авăрне.

 

Чăнах та, вăхăт шелсĕр питĕ:

Вăл çын ӳтне те пĕркелет.

Мăнаçлă сăрт е ту тӳпи те

Вăл иртнĕçемĕн ишĕлет.

 

Анчах чĕре çинче суранлă

Е ăраскаллă çĕвĕсем

Ялан-çке вăхăтпа тăванлă,

Ун евĕр вилĕмсĕр вĕсем.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: