Камантай

Борис Борлен | Сăвă | 960


Камантай1 ăстаçă пулнă,

Кайăрпа2 вăл килĕ тунă,

Çар çынни валли кăрал3,

Çĕр çынни валли — калак.

Хăй тата вăл пулнă каçмăк4,

Калама та çук капар5 :

Çинĕ ирсерен кăварчă6,

Çĕр улми яшки каçпа.

 

Камăр7 сăрт çине çӳренĕ

Кăрпăк8 кăпăшка чухне,

Каптăкскер9 куллен йĕрленĕ

Кахăрпа10 пăчăрсене.

Каскăн касмăка11 хăратнă

Какăр çăварне хыпса,

(Кавалне12 килте хăварнă

Йывăр çӳреме йăтса).

 

Пурнăçĕ каптак13 пулсан та

Хапаран14 тухса кайман,

Ăнсăртран куян тытсассăн

Нихăçан та каппайман.

 
1 Камантай — пĕччен пурăнакан хусах
2 Кайăр — çаврака ие
3 Кăрал — çар хатĕрĕ
4 Каçмак — хăтьмĕне те упрама пĕлекен хытă çын
5 Капар — тутлă çиме юратакан
6 Кăварчă — салăран шăратсан юлни
7 Камăр — чуллă сăрт
8 Карпăк—малтанхи юр
9 Кăптакскер — вирелле тăнă çӳç
10 Кахăр — пысăк мар чул, муклашка
11 Касмак — çапкаланчăк, вăрă «упа»
12 Кавал — пысăк шăхлич, çар валли тунă, тăшман килнине пĕлтерме
13 Кăптак — арăш-пирĕш, пăтрашăнчăк
14 Хапаран — йĕркерен

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: