Ĕç уявĕ
Пит те уçă çурхи кунĕ.
Тĕнче тумĕ симĕс.
Урам тăрăх халăх хумĕ...
Тинĕс, тейĕн, тинĕс.
Ĕмĕрте кун пек пулманччĕ,
Лăпкă пулнă ялĕ.
Вăл паян çилпе хумханчĕ,
Çиçрĕ ун вăй-халĕ.
Параппан сасси ян кайрĕ,
Ун сасси пит уçă.
Ват йăмра савса пуç тайрĕ:
— Атя, — терĕм, — тусам.
Ват йăмран кунçулĕ иртнĕ,
Пирĕнпе пымарĕ.
Йăшнă вăл, ватти ун çитнĕ:
Çĕрнĕ ун тымарĕ.
Хум шавлать, шавлатăп эпĕ.
Хумăн шавĕ — юрă.
— Çĕнĕ ял сыв пултăр! — тетĕп.
Пурнăç пултăр ырă.
Хăш енчен килет ăш çилĕ?
Ма килмен вăл ĕлĕк?
Е паян эпир çĕн пиллĕ?
Е ку савăк телĕк?
Тĕлĕк мар, куçпах куратпăр:
Харăс-харăс утăн.
Юрăпа яла çуратпăр.
Ял хушши çап-çутă.
Вĕлкĕшет çилпе ялавĕ
Пур çĕрте те хĕрлĕн.
Паян ирĕк ĕç уявĕ.
Уяв пултăр вирлĕ.
Сар хĕвел кулать пит ăшшăн,
Кулли унăн савăк.
Чĕремре паян ман — яшăн —
Кĕвĕленчĕ сăвă.
Кунта савăнăç, кунта ирĕк.
Пирĕн ирĕк çирĕп.
Ирĕке сыхлатпăр хытă —
Ан çыхлантар йытă.
Çĕр çинче пĕтмен чуралăх.
Кĕрешӳ — ман тивĕç.
— Пулăшу! — тет пĕри халăх.
Хĕç тытма та тивĕ.
Тивĕ çар ретне тăмашкăн.
Унччен хатĕр кирлĕ.
Ирĕк куншăн юн тăкмашкăн
Пултăр кашни вирлĕ.
Шухăшсем
Hiring https://contractorfinder...
Hiring https://contractorfinder...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...