Симĕс хырлăх

Йĕлтĕрпе йĕрлесе уй-хир урлă

Çитсе кĕтĕм Вăрнар вăрманне.

Ас илтерчĕ умри симĕс хырлăх

Вăрçăран таврăнман çынсене.

Çак вăрман пурăнать палăк евĕр,

Уйрăлу. Канакан салтаксем…

- Эй! А-у! Çынсем пур-и, чĕнсемĕр!

Шăп-шăпах. Тавлашаççĕ хырсем.

Малалла вĕçтеретĕп уй урлă

Хыçăма çĕнĕ йĕр хăварса.

Курăнми пуличчен ал сулса

Палăк евĕр юлать симĕс хырлăх.

13.03. 1969.

Çĕнĕ комментари хуш