Ĕлĕк пирĕн яшăсем...1

Ĕлĕк пирĕн яшăсем...

Ĕлĕк пирĕн яшăсем

Ир тăнă та вăрмана

Çĕмĕрт çиме çӳренĕ;

Çĕмĕрт çисе ӳснĕрен

Хура пулнă яш-кĕрĕм.

Вĕсем ĕлĕк çавăнпа

Ялта мăшăр тупайман.

Халĕ колхоз ачисем,

Ир тăрсассăн, усрава

Çырла çиме каяççĕ.

Çырла çисе ӳснĕрен

Çырă колхоз каччисем.

Ĕлĕк çак ял хĕрĕсем

Ир тăнă та — сертене,

Серте шывпе пит çунă,

Çанпа кăвак пулайнă,

Кăвак сăнлă пулнăран

Яла качча каяйман.

Халĕ колхоз хĕрĕсем

Ир тăраç те — çырлана,

Çырла шывпе пит çăваç,

Çанпа хитре пулаççĕ -

Ялтан юта каймаççĕ.