Сан чунна та сив хĕл пăрлантарчĕ

Сăвар Эртиван | Сăвă | 1969 | 278


Сан чунна та сив хĕл пăрлантарчĕ,

Те пăтратрĕ элек, –

Пĕлеймерĕм.

Хам çавах чĕреме лăплантартăм,

Çур çитсессĕн вăл тек

Шăнмĕ терĕм.

 

Çур кунне çуталать куççуль витĕр

Сив хĕле ал парса.

Эй, мăнтарăн!

Сан чуну халь те сивĕ-çке питĕ.

Тен, хĕлпе пĕр пулса

Эс те тарăн?..

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: