Атăл хĕрĕн юрри

Юрий Вирьял | Сăвă | Атăл | 474


(Юрă)

 

Йалтăр-йăлтăр хумсем килнĕçемĕн

Пирĕн кимĕ пĕччен чӳхенет.

Кĕсле-купăс, янрат çĕнĕ çемĕ,

Атăл тăрăх салат инçене.

 

Каçсерен хамăр ял хĕр упраçĕ

Вăйăра юрласа савăнать,

Мăшăрсем кимĕпе ярăнаççĕ,

Манăн çеç эс çукран ăш çунать.

 

Инçетре эсĕ, ман ăмăрт кайăк,

Тинĕсрен-тинĕсе ярăнан.

Асилен-ши шывра ишнĕ майăн

Ăнсăртран та пулин эс мана?

 

Час эпир тăрăшса пĕвелетпĕр

Шупашкар патĕнче Атăла,

Тантăшсем сана пурте кĕтетпĕр

Караппа килессе каялла.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем