Хăш чух пулать студент чухне...

Юрий Скворцов | Сăвă | студент | юлташ | 561


Хăш чух пулать студент чухне:

Çиме те çук студентăн.

Анчах та ку нимех те мар:

Юлташăн пур, пĕр тенкĕ пур,

Атя пайлар, юлташăм...

Каллех хавас, каллех юрлать

Каллех ĕçлет студент.

Хăш чух пулать студент чухне:

Туртма та çук студентăн.

Анчах та ку нимех те мар:

Юлташăн пур — çунать, сӳнмен...

Хăвар тĕпне, юлташăм...

 

Хăш чух пулать студент чухне:

Çи-пуç начар студентăн.

Анчах та ку нимех те мар:

Юлташăн пур — ун ик кĕпе,

Пĕрне мана, юлташăм...

 

Кивçен илет, билет илет,

Хĕр çавăтать хулран.

Студент хавас, каллех юрлать.

Каять театра...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: