Мир хыпарçи
Пĕр хĕвеллĕ кун илемлĕ
Çутçанталăк лăпкăн каннă.
Хĕвелпе çĕршыв киленнĕ,
Çил пулман, шăв-шав лăпланнă.
Аслă çĕр телейĕн-Кремлĕн
Чанĕсем вуниккĕ çапнă.
Вăл сасса савса итленĕн
Çĕр чĕри мăнаçлăн тапнă.
Çав самант, хайхи, сасартăк —
Курчĕç пурте—вĕçсе тухрĕ
Кремльтен шап-шурă кайăк,
Тӳпере инçе çул тытрĕ.
Шурă кайăк-кăвакарчăн
Вĕçнине курсан пĕр харăс:
— Мир! — тесе чунтан хавассăн
Ыр сунса каларĕ халăх.
— Мир. — Епле чĕрешĕн çывăх,
Вăл алри ача пек ырă.
Мир пулсан, этемлĕх сывă,
Еç—хĕрӳ, çунатлă-юрă.
Инçерех вĕç, кăвакарчăн!
Эс çӳлте вĕçсе пынишĕн
Мĕльюншар чĕре хавассăн
Пĕр чĕрен тапать-çке миршĕн.
Мул эшкерĕ — мир тăшманĕ —
Çĕр çинче çурасшăн атом.
Тытĕ хĕç—унпа пăчланĕ...
Мир, эс çиç хĕвел-çунатлăн.
Вĕç, хыпарçă, ырă кайăк,
Сан сассу инçе янратăр.
Кам сана хупма хăяйĕ,
Çук, хуплаймĕ. Мир чăн паттăр!
Çав хыпарçă кайăк вăйĕ —
Çĕр чĕри Мускавăн вăйĕ.
Ун çуначĕсен çути те —
Кремль çăлтăрĕн çутийĕ.
Шухăшсем
Hiring https://contractorfinder...
Hiring https://contractorfinder...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...