Вунçиччĕри кăмăл

Владимир Харитонов | Сăвă | 582


Шап-шурă лантăш.

Шурă çĕмĕрт.

Сирень чечекĕ кĕп-кĕрен.

Çурхи каçра çиçсессĕн ĕмĕт,

Ăçтан киле васкав кĕрен?

 

Вун çиччĕри çап-çамрăк хĕршĕн

Ытла асамлă çут тĕнче.

Утма тăрать —

пӳрте кĕресшĕн,

Чарнать шур çĕмĕрт умĕнче.

 

Пĕччен куккук таçта сас панăн

Кĕç туйăнать. Чăнах автать!

Хĕр чĕрине илем капланнă,

Тем кĕтнĕн вăл кăлт-кăлт тапать.

 

Утать те хĕр, аран хăйса пек

Сирень çине ӳкет алли.

Ӳсет чун тунсăхĕ, асапĕ...

Сирень турачĕ кам валли?!

 

Каччă хĕре: атя, çул май-и? —

Тесе тытас тăк аллинчен,

Ăна никам çăлса çăлаймĕ:

Хĕр чунĕ — пĕлĕт тӳпинче!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем