Иккĕленӳ

Любовь Мартьянова | Сăвă | 467


Шăнса хытнă алла тăсса эп тăратăп.

Вĕçсе ӳкрĕ унта вĕлтĕрти юр пĕрчи.

Шеллесе-ши ăна, антăхса йăлăнатăп:

Ан ирĕл, ан ирĕл, кур кăштах кун çути.

 

Пăшăлтатнă сасса,

тен, хăй майлă ăнланчĕ,

Тен, чунри кăвар-ши телейĕн туйса,

Алăрах, алăрах, самантрах вăл шывланчĕ,

Сăхса кĕчĕ ӳте вăл, асаплăн кулса.

 

Ăнланмарăм вара:

те салхуллă ун чух тăмаллаччĕ,

Алăрах куçне хупрĕ-çке-ха юр пĕрчи?

Те, хаваслă кулса, малалла утмаллаччĕ.

Эпĕ чĕрĕ, ман юн та вĕри!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: