Çунакан вутпуçне çунтăр тенĕ çĕртенех...

Çунакан вутпуçне çунтăр тенĕ çĕртенех

шыва пăрахрăм.

Чăшăлтатрĕ, чăшăлтатрĕ —

тĕтĕм кăларчĕ те шăпланчĕ.

Шыва майăн юхса кайрĕ аната.

Кĕтсе илнĕ çынна савас тенĕ çĕртенех

манса кайрăм.

Айăпларĕ, айăпларĕ —

алне сулчĕ те лăплăнчĕ.

Ним пулман пек утса кайрĕ малалла.

...............................................

Каçсерен

çав тĕтĕм шăрши куçа кĕрет,

Çĕрсерен

савайман çын кулли тĕлленет.

Çĕнĕ комментари хуш