Тар

Ӳрĕк-сӳрĕклĕх, эс тар,

Халĕ кунĕ шăрăх мар.

Чĕпĕтсе тухать ĕç тарĕ,

Кĕпене касать çав тар.

Вăл пире, тен, тарăхтарĕ —

Тарăхмашкăн кирлĕ мар.

Пĕр унра — çын пархатарĕ,

Тарăнрах, юлташ, кастар!

Çак тăварлă, йӳçĕ тар

Ĕмĕр-ĕмĕр тăрантарĕ,

Çĕн кăпе те тăхăнтарĕ,

Тивĕç тĕк — чапа кăларĕ!

Эй, сăваплă, силлĕ тар!

Нихăçан ан йăлăхтар,

Çĕн хăват ĕçре эс пар,

Пĕр санра çеç пархатар...

Тарăнрах, юлташ, кастар!

Çĕнĕ комментари хуш