Асаймăç


Ялтан кайри ялта

Асаймăç пурăнать астарса,

Тылăпала çӳретт сиктерсе.

Пĕрре çавă асаймăç

Чавтарса пыратчĕ — ӳкрĕ лаçт!

Ку мĕншĕн ӳкнине пĕлместĕп.

Мĕн хытланнине куратăп:

Турпас татки илчĕ те,

Вун ик çурта илчĕ те

Кайрĕ лартрĕ пӳрт пуçне.

Хăй чупрĕ хыçса каçанне.

Ирхине çав пӳртĕре

Йĕрӳ-макăру анчах-çке.

Ăна никам та пĕлмест-ха,

Асаймăх та кулма пуçламан-ха.

Асаймăç кулать,

Хăйне хăй кăкăрĕнчен перет:

«Тăхăрвун тăхăр çын

Вĕлертĕм иккен», —

Тесе калать асаймăç.

Асаймăç вилĕм çывхарать,

Кĕрĕвĕшне чĕнсе илсе калать:

«Манăн вилĕм çитрĕ, кĕрĕвĕм.

Вилсен тара тытса яр, ачам», —

Терĕ çавă асаймăç.

Хăйĕнчен пурте кулаççĕ.

Асаймăç вилет,

Кĕрӳшĕ тара тытма каять.

Тытса килет —

Никам та кĕрĕшмест.

Хайхи пирĕн кĕрӳшшин

Килчĕ хуйхă пысăкскер;

Виçĕ лаша кӳлет.

Сиккипе пырать.

Вăрмăн варринче лашасем чарăнаççĕ, —

Темле çапсан та утмаççĕ.

Каç та пулать. Çурçĕр те çитет —

Асаймăç тупăкран сиксе тухать.

Кĕрĕвĕшĕ йывăç тăрне тапаçланса ухать.

Асаймăç тымартан чакалать,

Йывăçа та йăвантарать.

Кĕрӳшне Турă пулăшать —

Тепĕр йывăç çине çакланса юлать.

Асаймăç та тавлашать,

Кĕрӳшĕ те вилĕмне курах тăрать.

Автан авăтайрать —

Асаймăç йăванса каять.

Кĕрӳшĕ анать те

Йăтса пырать хунĕне,

Сисрĕ тин кĕрӳшĕ хайхине.

Çывхарать ял патне,

Чирке илсе кĕме тăраççĕ —

Ниепле те çĕклеймеççĕ.

Хайхине пачăшкă тулта кĕл тăвать;

Анчах масар çине каймасть.

Кĕрӳшĕ тара тытать.

Асаймăçпа лачăртаттарса пыраççĕ.

Шăтăкне чаврĕç,

Рычаксем хатĕрлерĕç.

Яраççĕ Асаймăçа ана сарлакăшĕнчен —

Çăтрĕ кайрĕ сиснĕ-сисмен

Çавă асаймăç тупăкне.

Хамăрăн çĕрĕмĕр-анне.

Çапла тет асаймăçсен

Питĕ усал клемĕçсен

Тăхăрвун тăхăр çын пĕтерсен тамăкран

Çĕр чун пĕтерсен — райран

Теççĕ Пирĕн чăваш хушшинче.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: