Пурте ман пек ан пулăр!

Григорий Тяммин | Сăвă | 1913 | революциччен çырнисем | Нăрваш | вăрă | 1 199


Эпĕ çуралт Нăрвашра,

Йăлăм ятлă касăра.

Эпĕ саккăр тултарсассăн,

Тăххăра кайсассăн,

Пирĕн анне чирлерĕ,

Тата пĕр эрнерсн пĕтрĕ.

Эпир тăватсăмăр

Тăлăха юлтăмăр.

Эпĕ вара çав çулах

Кайаттăм школа кунĕ-кунĕпех.

Школра эпĕ туслашрăм

Пĕр ачапа, пĕрмаях çавăнпа çӳреттĕм.

Пĕрре эпĕ школăра

Çав ачапа юлтăм каярах.

Илчĕ ача партăран,

Хăй вырăнчен аякран,

Илчĕ пĕр кĕнеке.

Кĕнеки пĕтĕм кĕлеткеллĕ.

Çавна курсан эпĕ

Манăн чунăм хурланчĕ.

Мана çавă илĕртет те йăпатать.

Хайхи эпĕ йăпантăм та савăнтăм,

Партăран пĕр кĕнекине илтĕм.

Хам ăшра шухăшлатăп:

Парта патне илсе пырса хурас тетĕп.

Кĕнеки пит лайăх.

Хайхине эпĕ чиксе хутăм хутаççах.

Кайрăм киле,

Килтĕм школа.

Хам пурин пекех таса.

Илтĕм свидетельство тăват çул вĕренсе.

Пилллĕкмĕш çуллăхне аслине кĕтĕм,

Раштава та иртертĕм.

Раштавпа çăварни хушшинче

Çухлчĕ нумай кĕнеке.

Çав кĕнекесене çавă ача илсе тăнă-мĕн,

Никама та каламан-мĕн.

Çăварни умĕн килчĕ

Учитлĕсен пуçлăхĕ.

Учитлĕсем мĕн çухалнине каланă,

Лешĕ тĕпчеме тытăннă.

Пĕр ача каласа пачĕ,

Хайхи ачи мана та каларĕ.

Тĕпчерĕç-тĕпчерĕç те

Пире кăларса ячĕç.

Çапла пĕр кĕнекешĕн.

Хам çутçанталăка сӳнтертĕм.

Çав çуллăхнех вара

Кайрĕм ĕçлеме Хусана.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: