Тĕтре витĕнсе тĕлĕрет мăн çаран...

Любовь Мартьянова | Сăвă | 380


Тĕтре витĕнсе тĕлĕрет мăн çаран,

Таçта, ав, сас пачĕ хурăкăш...

Чупман-им вара эп кунта çаруран,

Пулман-им телей уçă варкăш!..

 

Тĕнче тĕрлĕ тĕслĕ: кашнин чĕринче!

Хитре — илеме ĕненсессĕн,

Кашни чĕрĕлен чĕр хунав тĕлĕнче

Кăштах тĕлĕнме те пĕлсессĕн...

 

Илемшĕн кăна килменех çĕр çине,

Çапах та — илемлĕ пурнасчĕ.

Ырришĕн вара çакă ыр тĕнчене

Сăмах та пулин хăварасчĕ.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: