Йăмрасем

Раиса Сарпи | Куçару | Роберт Минуллин | тутарларан | йăмра | 623


Пурнаймаççĕ йăмрасемсĕр

Çуйăн-шыв çыранĕсем.

Тăпăл-тăпăл йăмрасемсĕр

Илĕртӳсĕр-çке вĕсем!..

 

Йăрăс пӳллĕ йăмрасем —

Йăрăс пӳллĕ сар хĕрсем.

Тантăш хĕрĕсем хавăссăн

Чӳхенсе шывран тухаççĕ...

 

Ватăлмаççĕ йăмрасем,

Ватăлма вĕсем пĕлмеççĕ.

Вилнĕ чух та йăмрасем

Ватлăх пуснипе вилмеççĕ.

 

Эпĕ хам та йăмра мар-и?

Хам та эп çав çыранран.

Вĕсемпе халь юнашаррăн

Тепĕр хут ӳсесчĕ ман.

 

Эп сывлатăп ассăн-ассăн,

Ăмсанса йăмрасене.

Сывласан та ассăн-ассăн, —

Таврăп-и яш кунсене?

 

Ан тив, çамрăклăхăм пултăр

Вĕсене халал манран.

Вĕсемпе ман кăмăл тултăр,

Çамрăк ларччăрччĕç ялан.

 

Роберт Минуллин

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: