Ракета уххипе, ăса кĕмесĕр...

Ракета уххипе, ăса кĕмесĕр,

çынсем паян тĕлленĕ пĕр-пĕрне.

Кунта кайран сăмах ытла та мелсĕр:

кам тупĕ шыраса этем йĕрне?

Тăван çĕршывăн тимлĕ канашне

тăнлакансем те пур-ха — савăнатăп!

«Пĕтерес мар этемлĕх малашне», —

текенсене çеç ыррăн асăнатăп.

Çак шухăшшăн тăсатпăр пурнăçа, тен,

эпир куллен-кунхи кĕрешӳре.

«Кайран вара кам тухĕ-ши тӳрре?» —

текенсене сума суса тăнлатăп.

Çак ăнлану ӳсинччĕ кунсерен —

ан ӳктĕр вилĕм янкăр тӳперен.

Çĕнĕ комментари хуш