Янра эс сăвă...

Анатолий Ырьят | Сăвă | 328


Янра эс, сăвă, янра эс, юрă,

Чăваш юрри, чăваш сăвви.

Чуна та ăшă, йыша та ырă

Ăру пуянлăхĕ, кĕвви.

 

Чăвашлăх юнĕ, чăвашлăх чунĕ

Çак сăвăра, çак юрăра.

Пуласлăх сӳнмĕ, пуласлăх кунĕ,

Пуласлăх çамрăк ăрура.

 

Санпа пурнатăп, санпа сывлатăп,

Санпа сиплетĕп хуйăха.

Чăваш çынни пулса саватăп,

Сассу çĕклет, чĕртет йăха!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем