Ӳкĕнӳ

Валентина Деменкова | Сăвă | 390


Çамрăк ĕмĕр хăвăрт иртрĕ

Йăлтăр! çиçнĕ çиçĕм пек.

Хуйхă тухрĕ чунăм витĕр

Вĕлле хурчĕн сăнни пек.

 

Пĕчченех халь тĕшĕлетĕп

Тахçанхи вăхăтсене,

Ма уйăрайман-ши тетĕп

Ыррине — усаллине.

 

Пĕтерет хĕр чух айванлăх,

Юратса юта шанни.

Халь кăна курнать пит лайăх

Хăш тĕлте хам йăнăшни.

 

Янаху çитсе пырсан та

Çыртаймастăн чавсуна.

Пĕр иртсе кайсан нихçан та

Тавăраймăн çав куна.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: