Электронлă вулавăш

Ăшă вырăн шыраса, çĕтĕлтертĕм кĕрĕке,

Ырă пурнăç шыраса, килсе лекрĕм Тĕрĕке.

Эх, юлташăм, юлташăм, атя кунтан тарар,

Тăванах та çĕршыва, атя-ха таврăнар.

Эпир каяс çул çинче чĕрĕ тамăк пур,

Чĕрĕ тамăк леш енче Хура тинĕс пур

Хура тинĕс леш енче — ешĕл çеçенхирсем,

Çеçенхирсем варринче тăван ялăм пур,

Тăван ялăм варринче — тăван килем пур,

Тăван килте савнă аннем пурăнать,

Хăй ачине тăван киле йыхăрать.

Чĕкеç кайăк пулса унта вĕçĕттĕм,

Тăван анне патне часрах çитĕттĕм.

Ах, аннеçĕм, анне, тертĕм ытла пысăк,

Ютри кĕтес — амаçури, тĕнче ытла пăсăк...