Çĕмĕрт

Георгий Орлов | Сăвă | 407


Ирхине. Хĕвел тухасшăн...

Эп кĕретĕп пахчана.

Çамрăк çĕмĕрт шăппăн, ăшшăн

«Килсе кур», — тет пек мана.

 

Унăн тумĕ юр пек шурă,

Таврара сим пылтути.

Çĕмĕрт тăррине чуп турĕ

Йăлтăркка хĕвел çути.

 

Сисрĕ-шим таçтан шух çилĕ

Пахчана эп кĕнине? —

Те кулса вăл, те вăл çиллĕн

Сирчĕ çĕмĕрт çулçине —

 

Каччăпа хĕр тĕлĕреççĕ,

Ларнă вăрттăн сак çине...

Ай, мĕн-ма-ши, çĕмĕрт, эсĕ

Вăратмастăн вĕсене?

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: