Аслă улăх варринче, ирĕкре эп çуралнă...

Аслă улăх варринче, ирĕкре эп çуралнă,

Çутă çăлтăр айĕнче вăй пухса

эп вутланнă.

Сиплĕ улăх сĕткенĕ ăшри юнпа çаврăнать,

Янкăр çăлтăр çутийĕ умри çула

çутатать.

Усал тăшман ылханĕ пыраймĕ-ха ман çума,

Хура тăшман хуррийĕ хуплаймĕ-ха

ман çула.

Аслă улăх варринче тата пинĕн çуралĕç,

Çӳлти çăлтăр çутине хăйсен ăшне

пуçтарĕç.

Çĕнĕ комментари хуш