Кĕрлерĕ кĕр!...

Валем Ахун | Сăвă | 518


Шараф Мударриса

 

Кĕрлерĕ кĕр! Хура Ката —

Тăван ялу, Шараф-ага.

Кăтартрăн эс тутар чунне,

Чĕнсе мана Сабан туйне.

 

Кăтартрăн эс сӳнми илем —

Чĕре вăйне çĕклен хĕлхем.

Çуртун сăйне, чысне курса,

Ларатăп халь кунак пулса.

 

Тальян юрлать, ташлать курай,

Куçне шăлса илет бабай.

Кĕвве майпен тăса-тăса,

Кайри кунне илет аса:

 

— Хура Ката — хитре Ката,

Пулан пуль эс кăçал хăта.

Хура куçне, чипер хĕрне,

Паран пуль эс мана пĕрне...

 

...Хура Ката, ĕлккен кĕтес,

Асран нихçан тухмастăн эс.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем