Юрлам сан ятна...

Пехет те пехил атте кил-çуртне,

Мухтав та тивлет суха кассине.

Эп чупнă кунта çарран ачаран,

Вылянă шух пуç, юлман тантăшран.

Çӳренĕ хирте кĕтӳ хыçĕнчен,

Тыр вырнă хастар, тара ӳкиччен.

Юрланă хавас каçхи вăйăра,

Ташланă йăлттам туйра та çуйра.

Сăвап ĕмĕре анне çăкăрне,

Сăвап ĕмĕре анне тăварне.

Таяп умăрта паян пуçăма,

Çутатăр ялан умри çулăма.

Çăлкуçăм, сăпкам — эс, Кипеккасси —

Ачалăх юрри, хуркайăк сасси...

Пиллем эп сана чунри мулăма,

Юрлам сан ятна чунри юррăма.

Çĕнĕ комментари хуш