Кĕрхи йĕпе-сапаллă каç...

Петĕр Хусанкай | Сăвă | 1932 | 417


Кĕрхи йĕпе-сапаллă каç

Çилсем лăкаççĕ алăка,

Чӳречене... Лăкаччĕрех!

Симпыл вĕрет кĕрекере.

Тăхтавлă сыпкăмсемпеле

Ăна, кичемлĕхпе пĕрле,

Ĕçетĕп эп. Ĕçеп пĕччен,

Инçе хам тенĕ çынсенчен:

Инçе ачалăх туссенчен,

Яш тантăшăмсенчен инçе,

Инçе хам çамрăклăхăмран,

Хавасăмран, шухлăхăмран;

Инçе çитмен ĕмĕтсенчен,

Телей пек илĕртен чечен

Юратуран, сив мухтавран —

Инçе, инçе, эп... катара!

 

Сиктĕрме

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: