Улăштарнă

Эс кипкесĕр-мĕн çуралнă

Аслă улăх варринче.

Тырпултан вăй-хал пуçтарнă

Кăшт нӳрленнĕ çĕр çинче.

Сан аннӳ вара каланă:

«Хуçа пул эс уйсенче».

Çак сăмах вара туптаннă.

Кĕрсе юлнă чĕрене.

Эс кипкесĕр-мĕн çуралнă

Аслă улăх варринче.

Тен, çав кун пуль эс çухатнă

Телее çĕр варринче?..

Çук, суятăп, çухатман эс,

Улăштарнă уйпалан.

Çавăнпа ĕнтĕ, пĕлетĕп,

Эс çĕрпе-уйпа пуян.

Çĕнĕ комментари хуш