Халăх юнĕ
Камăн-камăн юнĕ
Хутшăнман пирĕннипе.
Сăнчăрлать чăвашăн чунĕ
Вĕсене пĕр-пĕринпе.
Пăлхарпа сăварăн
Тĕп хăват парать тесен,
Хамăрпа тăван хасарăн
Вăйĕ те унта иккен.
Кам йăлтах ăнланĕ,
Пĕлĕ çак хутшăнăва?
Перс, авар, эрмен, аланĕ
Лекнĕ çак пăтранăва.
Кунтарах килсессĕн
Вăл татах та пуянрах.
Хыпарлать тăван кĕтесĕн
Ячĕ-шывĕ уççăнрах.
Çармăсĕ, Пăртасĕ,
Мăкшăел те Ирçесем...
Хутăшах кунта тăраççĕ
Вырăспа Тутаркассем.
Пурте чăвашланнă,
Йăлисем йăлт хамăр май.
Малашне мĕскер хăтланĕ -
Пăтрану ытла нумай.
Пăтранать чĕлхемĕр,
Хавшаса вăл çĕнелет.
Кун кунламĕ ĕмĕр-ĕмĕр,
Тăсасси пиртен килет.
Мĕн тери пуянлăх
Пухнă çĕр-çĕр çул хушши!
Тăрĕ упранса яланлăх
Хамăрла çути, ăшши.
Малаша çул хывĕ
Çак еткер те сумлă ят.
Паянхи Чăваш çĕршывĕ
Малаллах-и талпăнать.
Аптраман чăвашăм,
Хытăрах калаç, юрла!
Вырăса-и эс тухасшăн? -
Ан аташ-ха суккăрла.
Хамăр ăс еткерĕ
Вырнаçать çăмăлтарах.
Хамăр сăвă-юрă, тĕрĕ
Хитрелетĕ ытларах.
Шухăшсем
Сире куçарса патăм пĕрне, юлашкине...
Çĕн хуралçă, тен, пулĕ ку чух...
I gave https://www...
Виталий Петрович пекех, "çухалнă кĕнекеш...
Псевдоним шутланать пулсан, ик компонент...
I'm in preference with the natural eye t...
I recently hired a contractor in favour ...
Мĕн кунта ют саспаллисемпе темле коммент...
1st place on Google for your keywords...
Wish to ride the crypto wave but lack ti...