Тĕнче пек пысăк чĕмсĕрлĕх...
Тĕнче пек пысăк чĕмсĕрлĕх
Ыйтуллăн тинкерет.
Ун умĕнче эп кĕлмĕç тĕ
Патша — ун умĕнче.
Хăйсем камне пĕлеймĕç те
Ун çут ытамĕнче.
Ун вĕçĕ çук, сарлакăш те,
Пин-пин тымар ăшра.
Асаттесен аслашшĕ те
Çав тарăн шăплăхра.
Иртнĕ кунсен хусканăвĕ,
Çĕршер пин юнтымар.
Юрри-кĕвви, пуласлăхĕ...
Нимскер те манăçман.
Пĕртен-пĕр ырă тивĕçĕм
Килет халь ман ума:
Ӳпкевсĕр, тӳрĕ, тивĕçлĕн
Вĕçлесчĕ çак куна.
Ытла та пысăк чĕмсĕрлĕх...
Çук, чарăнмасть пăхма.
Таса юласчĕ ĕмĕрлĕх
Тĕнче умне тухма.



 Çĕнĕ комментари хуш
 Çĕнĕ комментари хуш
Шухăшсем
Save on marketing costs with our AI-powe...
Aiming to accelerate your website...
Аван ...
кайăксем чăнахта лайăх чĕр - чунсем
Çитмĕлсенчен иртсен те, хаш сывлатпăр, А...
Цикори çинчен ытларах пĕлесшĕннччĕ ...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...