Çын ăшши

Иван Егоров | Сăвă | 636


Чунăма пусарма çын шырарăм,

тупаймарăм эп ун йышшине.

Ах, мĕн пулчĕ сана, тăван ялăм,

эс çухатнă-çке çын ăшшине?

 

Анне пурччĕ ялта, атте пурччĕ.

Кĕтерех çӳресе пахчара,

иккĕн тан пире хирĕç тухатчĕç

килнине курсанах хуларан.

 

Халь те пур-ха ялта, пур тăванăм,

Сивлемест-ха пире, юп курать.

Пур пĕрех ăш вăркать питĕ манăн,

шăмшак мар, чун-чĕре ман сурать.

 

Тусăмсемччĕ, туссем, — ял илемĕ.

Калаçмашкăн шырап халь сире.

Илтĕнмеç сассăрсем, кĕвĕ-çемĕ,

Курăнмасть ыр сунан тус пире.

 

Халь çеç пурччĕ пĕр çын — калаçмалăх.

Чараймасăр чĕри çуннине

ĕçсе лартнă та путнă яланлăх —

юхса кайнă шывпа çуркунне...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем