Украина

Çурхи вăхĕт. Çилĕ ăшă.

Пирĕн çийĕн вăшшăн-вăшшăн

Нимĕç пуля сапалать...

Мана тусăмçăм калать:

— Кур-ха, тусăм, епле чаплă

Украина, тараватлă.

Пирĕн Атăл енĕ пек,

Епле уçă та тӳлек.

Украина пикисем те

Пирĕн Нурăс хĕрĕсем пек.

Кунти капăр Ганнăсем

Чисти пирĕн Аннасем.

Эп каларăм:

— Тĕрĕс, тусăм.

Сăмахна ăнланчĕ пуçăм.

Украина пит аван.

Саншăн, маншăн та тăван.

Сан аçу та кунта пĕтнĕ.

Ман атте те кунта çитнĕ.

Юн тăкатпăр эпир те

Ирĕкшĕн çак уй-хирте.

Çĕнĕ комментари хуш