Эсĕ

Ӳркенмесĕрех утатăн

Çуммăн пурнăç кун-çулне.

Çурмалла манпа пайлатăн

Савăнăçне, хĕн-хурне.

Ачасемшĕн шеллеместĕн

Хăвăн ырă чĕрӳне.

Ху туймасăрах кӳретĕн

Çураçулăх çемьене.

Тăвансем, туссем çӳреççĕ

Эс хапăл пулнăран.

Ваттисем те хисеплеççĕ

Хăйсене чыс тунăран.

Маншăн эсĕ — чун сипечĕ,

Йăл кулсан пăр ирĕлет.

Турăçăм мана систерчĕ:

Эсĕ — ман тулли тивлет.

Эсĕ — ман пуянлăх, ылтăн,

Тӳпери çут çалтăрăм.

Эсĕ — ман чи çывăх çыннăм,

Чун юратнă мăшăрăм.

Çĕнĕ комментари хуш