Иван Малкай


Иван Малкай

Иван Григорьевич Малкай (Григорьев) 1911 çулхи утăн 8-мĕшĕнче Çĕрпӳ районĕнчи Кăтак (халĕ Первомайски) ялĕнче çуралнă. Чăваш сăвăçи, журналист, Тăван çĕршывăн аслă вăрçине хутшăннă.

Иван Малкай тĕрлĕ çĕрте вĕреннĕ: Шупашкарти строительство техникумĕ, Чулхулари коммунистсен аслă шкулĕ (куçăн мар); комсомол ячейкин секретарĕ пулнă, республикăн истори архивĕнче, радиокомитетра, «Коммунизм ялавĕ», «Молодой коммунист» хаçатсен, «Тăван Атăл», «Ялав» журналсен редакцийĕсенче ĕçленĕ.

Пĕрремĕш сăввисем ХХ ĕмĕрĕн 30-мĕш çулĕсенче пичетленнĕ, «Парне», «Атăл çинче» поэмисем вăл вăхăтшăн палăрăмлă хайлавсем шутланнă. Ача-пăча валли те нумай çырнă. Калмăксен «Джангар» халăх эпосне чăвашла куçарнă.

Тĕп кăларăмĕсем: «Сăвăсем» «1938», «Сывлăм» (1939), «Пирĕн çуркунне» (1952), «Атăл çийĕ» (1967), «Çĕнĕ парне» (1980), «Шуçăм çути» (1981) т.ыт.те.

1986 çулхи кăрлачăн 1-мĕшĕнче вилнĕ.


Хайлавĕсем