Кӳкеҫ, — Чӑваш Енри Шупашкар районӗн администраци вырнаҫнӑ хула евӗрлӗ посёлок. Посёлокра пурӗ 11,7 пин (2005) ҫын пурӑнать.

Мускав-Хусан автомобиль ҫулӗ ҫинче вырнаҫнӑ. Шупашкартан 14 ҫухрӑмра ларать.

Истори

Хӑйӗн кун-ҫулне Кӳкеҫ 1745 ҫулта пуҫланӑ тесе шутлаҫҫӗ. Вӑл вӑхӑтра ку таврара пӗрремӗш хуҫалӑх йӗркеленнӗ.

1859 ҫулта кунта 65 хуҫалӑх шутланнӑ, 179 арҫын, 167 хӗрарӑм пулӑннӑ. Вӗсем пурте чӑвашсем пулнӑ. 1897 ҫулта Пӗтӗм Раҫҫейӗпе ирттернӗ ҫырав тӑрӑх ку ялта 211 арҫын, 196 хӗрарӑм пурӑннӑ.