Сайта кӗр | Регистраци | Сайта кӗрсен унпа туллин усӑ курма пулӗ
 -1.7 °C
Ҫурхи кун кӗр тӑрантарать.
[ваттисен сӑмахӗ]
 

Николай Малышкин: Район хаҫачӗсене пӗтерме парас марччӗ!

Николай Малышкин19.11.2021 12:271083 хут пӑхнӑУлӑштар Кӑларса пӑрах

Хаҫат — «коллективлӑ пропагандист тата агитатор кӑна мар, коллективлӑ организатор та» тесе ҫырнӑ В.И.Ленин. Асӑннӑ пӗлтерӗш паян та ҫухалман. Хаҫатсем, уйрӑмах районсенче тухса тӑраканнисем, ял халӑхне питӗ ҫывӑх. Вӗсенче ял пурнӑҫӗн шӑпи, кун-ҫулӗ, савӑнӑҫӗ-хуйхи...

Ҫӑмӑл мар тапхӑрта, колхозсем йӗркеленӗ ҫулсенче тухма пуҫланӑ хаҫатсем Тӑван ҫӗршывӑн Аслӑ вӑрҫи ҫулӗсенче те пӗр номер те тухманни пулман. Паян вара район хаҫачӗсем кирлӗ те пулмӗҫ-ши? Вӗсене «Хыпар» хаҫатӑн филиалӗсем тума палӑртнипе ҫапла шутлатӑп. Ҫак утӑм — йӑнӑш, вӑл пысӑк ҫухатупа — райхаҫатсем вуҫех хупӑнассипе вӗҫленме пултарӗ. Нумай редакци ура ҫинче ҫирӗп тӑрать паян, вӗсенче хӑйсен профессине чунтан парӑннисем вуншарӑн тимлеҫҫӗ. «Елчӗк ен» хаҫат редакцийӗнче те ҫаплах. Хальхи вӑхӑтра район хаҫатне кашни 4-мӗш ҫын вулать.

Районсенчи редакцисен статусне пӗтерсе филиал тусан хаҫатсен ҫухату пуххинче мӗн курӑпӑр-ха?

  1. Кӗскетнӗ штат, пӗчӗклетнӗ ӗҫ укҫи. Пӗтӗмпе те 4 ҫынран тӑракан коллектив кашни эрнере тухакан 12 страницӑллӑ издание епле кун ҫути парӗ? Унӑн пахалӑхӗ мӗнле пулӗ?
  2. Хаҫатсем хӑйсен 90 ҫуллӑхӗнче ҫирӗпленнӗ сӑн-сӑпатне, традицилӗхне ҫухатӗҫ - «хыпарланса» кайӗҫ.
  3. Ялкорсен (вӗсем ахаль те сахаллӑн) йышӗ чакӗ.
  4. Хаҫат тиражӗ самаях иксӗлӗ...

Ҫак таранччен Чӑваш Енӗн ӑс-хакӑл культури сахал мар ҫухату тӳсрӗ. Унӑн хроникине район хаҫачӗсене пӗтерсе пуянлатас марччӗ...

 

Николай Малышкин,

«Елчӗк ен» хаҫатӑн тӗп редакторӗ,

ЧНКан Елчӗк районӗнчи уйрӑмӗн председателӗ.

 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментари:

ялтан // 1751.39.8118
2021-11-21 16:22
Тӗп сӑлтав - министерствоку хӑмӑта хывсапӑрахса Вашуркинӑна тӑхӑнтса ярасшӑн, вӑл чи пысӑк специалист-ҫке чӑваш чӗлхипе, хӑйсен вара чӑвашла пӗлекен пӗр специалист та ҫук мӗнпур Министерствипе.
Agabazar // 4246.60.1146
2021-11-21 19:47
Agabazar
Ытарайми Кестентин Пети,

эп санпа çак çтатьяна питĕ-питĕ сÿтсе явасшан, анчах никнеймне тĕрĕс вулама пĕлместĕп.

Пулăш, тархасшăн! Турă пул! Ĕмĕр манмăп!
Agabazar // 4246.60.1146
2021-11-21 19:55
Agabazar
Ку шухӑша хуратнӑ. Сӑлтавӗ: Дубль: хам хуратнă
Михайлов Виталий Михайлович // 1345.47.5491
2021-11-22 22:16
Хаçат вулакана килĕшет пулсан - лайăх, Кĕçтентин Пети (хăв камне уççăн палăртма та хăратăн, тата критиклеме хăтланасшăн...). Вăрттăн çыртма хăнăхнă ĕнтĕ эсĕ...
Варык // 1144.2.4005
2021-11-23 07:04
Хамăр та атте-аннесемпек мар çав, пачах та хаçатсене çырăнма пăрахрăмăр.Пĕр ик кĕленче наркăмăш валли укçа хĕрхенместпĕр , хаçат валли - çук.
Ялтан // 3887.88.4678
2021-11-25 09:35
Хыпартисем савӑнаççĕ, вӗсен ĕç укçи ним тумасӑрах ÿссе каять те. Акă Вашуркинăнах кашни хаçатшăн 5 пин хушса парсассӑн та... (5000х20=???). Ай тур-тур! Ну, "перекетлеççĕ" те!
Анонимла // 3100.31.7571
2021-11-26 10:16
Калаҫасси калаҫатӑр-ха, анчах та темшӗн никам та чӑваш ачисен "Тантӑш" хаҫачӗ вырӑсланнине курмарӑр. Ячӗшӗн малтипе юлашки страници чӑвашла, ытти веҫех - вырӑсла. Елчӗк ачисем те вырӑслах ҫыраҫҫӗ. Вырӑсланнипе ни тиражӗ ӳсмерӗ. " Самант" журнал ҫамрӑксемпе сывпуллашрӗ, "Капкӑн"пӗтрӗ: "Ялав" хӑйне евӗрлӗ журналччӗ, хупрӗҫ.
Agabazar // 2118.73.4635
2021-11-26 23:51
Agabazar
«Тантăш» вырăсла пулас-тăк — кирлĕ те мар. Намăс курни кăна.
Каллималлин // 3877.43.4571
2021-11-27 08:07
Ҫапла ҫав, хаҫат-журналсене пӗр купана пуха-пуха пичетлесен вӗсем вырӑсланса каяҫҫӗ: сӑлтавне тупаҫҫӗ: "халӑх ыйтнипе", тиражне ӳстерме тата ытти те.
Варык // 1144.2.4005
2021-11-27 11:19
Ийя çав.Ялав тата Тăван Атăл журналсене вуна çул каяллах Чубайс хупрĕ.Пĕтĕмпех çав эсрелĕ айăплă.

Страницӑсем: 1, 2

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org | МИХ пек регистрациленӗ свидетельство номерӗ: 2017 ҫулхи нарӑсӑн 3-мӗшӗнче алӑ пуснӑ ЭЛ № ФС 77 - 68592. Свидетельствӑна Ҫыхӑну, информаци технологийӗ тата массӑллӑ коммуникаци сферине тӗрӗслесе тӑракан федераллӑ служба (Роскомнадзор) панӑ.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org