Мартынкасси — Элӗк районӗнчи ял. Чӑваш Сурӑм ял тӑрӑхне кӗрет. Чӑваш Сурӑм ялӗнчен 7 ҫухрӑмра ларать. Ялтан район тӗпне ҫитме 18 ҫухрӑм каймалла.

Ялта пилӗк урам: Вӑрман, Колхоз, Союз, Кооператив тата Вӗрентекенсен урамӗ.

Тавралӑх

Ялта икӗ пӗчӗк пӗве пур.

Юнашар ялсем

• Анаткасси
• Шапкин
• Энехмет

Кун-ҫулӗ

1927 ҫулччен Етӗрне уесӗн Элӗк вулӑсӗнче шутланнӑ. 1927 ҫулхи юпан 1-мӗшӗ хыҫҫӑн, районсене туса хунӑранпа, Элӗк районне кӗнӗ. 1962 ҫулхи раштавӑн 20-мӗшӗ хыҫҫӑн Вӑрнар районне кӗртнӗ. 1965 ҫулхи пушӑн 14-мӗшӗнчен пуҫласа хальхи вӑхӑтчен Элӗк районне кӗрет.

Халӑх йышӗ

2006 ҫул пуҫламӑшӗ тӗлне кунта 143 ҫын пурӑннӑ: 65 арҫын, 78 хӗрарӑм.

Паллӑ ҫыннисем

• Багров Матвей Иванович, РСФСР тава тивӗҫлӗ вӗрентекенӗ.
• Рахимзянов Рашид Рахимзянович, Чӑваш Енӗн тава тивӗҫлӗ культура ӗҫченӗ.
• Сергеев Виталий Иванович, филологи ӑслӑлӑхӗсен тухтӑрӗ, профессор.

Хуҫалӑх

Ялта «Мартынкасси» ял хуҫалӑх производствӑлла кооператив (ЯХПК) пур.
Ҫавӑн пекех ялта Элӗк райповӗн лавкки ӗҫлет.

Культура

Ялта клуб (Кооператив урамӗ, 12 ҫурт), вулавӑш (Кооператив урамӗ, 12 ҫурт), фельдшерпа аккушер пункчӗ (Кооператив урамӗ, 9 ҫурт) пур.

Каҫӑсем

• Чӑваш Сурӑм ял тӑрӑхӗн сайчӗ
• Ял Яндекс картти ҫинче