Аçтахар Плотников: Испанла, нимӗҫле, хрансусла тытма пулать, чӑвашла — ҫук

Аçтахар Плотников09.04.2014 22:0615903 хут пӑхнӑ

Сӑмахӑм ППЭ пирки. Ак ҫак хыпара вуласан тӗлӗнсех каятӑн — http://chuvash.org/news/5509.html.

Ара испанла та тытма палать, анчах чӑвашла — май ҫук. Чӑннипе те кутӑн-пуҫӑн ҫавӑрса хунӑ вӑхӑтра пурӑнатпӑр мар-и? Тӑван чӗлхепе экзамен тытма май ҫук. Вырӑс челхине Раҫҫей патшалӑх чӗлхи тесе тыттараҫҫӗ-ха, тӑван чӑваш чӗлхи пирки калаҫма пуҫласан — тӳрех хирӗҫ тӑраҫҫӗ! Ачисене испан чӗлхипе тыттарӗҫ, анчах чӑвашла мар...

Кӑҫал тата 9-мӗш классене те экзамен тыттарасшан мар пек калаҫаҫҫӗ... Какуй унта 11-мӗш класс пӗтерекенсем пирки. Министерство ҫыннисене вара мӑн асаттесем, мӑн асаннесем умӗнче намӑс мар-ши?

//йӑнӑшап пулсан — каҫарӑр

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (35)]

Комментари:

Анатсем // 3432.77.0853 2014.04.10 14:11
	ППЭ чăваш чĕлхипе тытасси е тытмасси вăл шкул ачисенчен мар,çÿлти картлаçрисенчен килет.Ача вăл ача,пластилин пек темле те пăркалама пулать ăна.Атте-анне чĕлхипе пурин те тытмалла тесен камах хирĕçлейĕ?Çук çав халĕ Г.Волков академик пек чăн-чăн чăвашсем.Кăна йышăнмаллах.
Атнер // 3913.58.4645 2014.04.10 14:38
	Манăн ывăл вуннăмĕш класра вĕренет.Пырса кала-ха унта пырса чăваш чĕлхипе ЭГЕ пулать тесе.Чăваш ашшĕ-амăшĕсем чи малтан сиксе ÿкĕç.Хам вара хирç мар.
bor1959 // 1039.8.4424 2014.04.10 15:50
	Анатсемпе килĕшмесен те пултаратăп.Мĕнле шкул ачисен тивĕçĕ мар.Вĕсем мĕнле ЕГЭ тытмаллине суйласа илме пултараççĕ.Вĕсем тытаççĕ те суйласа илмеççĕ "чăваш чĕлхи" предметне. Вара тавай Анатсем хăвăн тĕслĕхсемпе çирĕплет.Вĕрентсе ЕГЭ тыттар-ха чăваш чĕлхипе хăвăн ачусене, мăнуксене. Акасапар пек сывлăша ан çавăрттар-ха.Эпĕ хам 70-мĕш çулсенче шкулта вĕреннĕ чухне мана никам та акăлчан чĕлхипе вăйпа вĕрентимастчĕ(хотя паянхи кун та нумай сăмахсене пĕлеп акăлчанла), мĕншĕн тесен эпĕ пĕлнĕ:-мана акăлчан чĕлхи нихçан та кирлĕ пулмасть,эпĕ ют çĕршыва кайма пултариман.Çавăн пекех чăваш ачисем тăван чĕлхе кирлине ăнланмаççĕ.
Анатсем // 2005.1.2562 2014.04.10 16:24
	Атте-анне чĕлхине суйламаççĕ.Чунпа эпир нумайăшĕ чăваш пулсах юлатпăр.
Agabazar // 3040.95.7658 2014.04.10 20:47
	Камăн-ха унта чăваш чĕлхине "ирĕксĕрлесе" (?) вĕрентесрен сехри хăпса тухнă?
Тимӗр // 4916-2612 2014.04.10 20:48
	Чăваш чĕлхи пурнăçра кирлине ачисене ăнлантарса пама пултараканнисене Шупашкарта пурне те тенĕ пекех пĕлетпĕр.Вĕсен ачисем тăван чăваш чĕлхине пĕлеççĕ.
Agabazar // 3040.95.7658 2014.04.10 20:49
	Татах Тимĕр хăйĕн халлапне çапма пуçларĕ...
bor1959 // 1039.8.4424 2014.04.11 09:03
	Анатсем! Эпир чăваш пулса юлатпăр-ха, анчах шăпăрлансем пулса юласшăн мар.Акасапар:"Камăн-ха унта чăваш чĕлхине "ирĕксĕрлесе" (?) вĕрентесрен сехри хăпса тухнă?"-Акасапаркка ирĕксĕрлесе вĕрентнин усси çукрах пулĕ. Ирĕксĕрлени курайманлăх кăна ÿстерет.
Атнер // 3913.58.4645 2014.04.11 09:18
	Кунта Акапасарка халап çапнисĕнр пуçне пĕр ĕçпе те палăраймарĕ.Борпа Якур чĕркуçленсе ыйтаççĕ унтан.Пĕр пĕчик ĕç кăна кăтарт.Халăх кĕтет.
Аçтахар Плотников // 5043.2.1941 2014.04.11 10:11
	«Акасапаркка ирĕксĕрлесе вĕрентнин усси çукрах пулĕ. Ирĕксĕрлени курайманлăх кăна ÿстерет.» Ку ыйту çине темле те пăхма пулать. Эп те малтан çапла шутланăччĕ. Анчах тепĕр енчен пăхсан: математикăна та, вырăс чĕлхине те ирĕксĕрлесе вĕрентеççĕ вĕт! Чăваш чĕлхи вĕсенчен мĕнпе кая? Темăран айăкалла пăрăнса ан кайăр-ха. Кам вĕрентет, кам вĕрентмест — ку вăл кашнин хăйĕн ирĕкĕ. Влаçрисен вара чăвашла хăйсемех ирĕклĕ вĕренччĕр тесе вăй хумалла.