«Контактри» сӑн

Комсомольски округӗнчи полицейскисем 60 ҫулти арҫынна ултавҫӑсен серепине лекесрен ҫӑлнӑ. Вӑл чутах палламан ҫынсене 1 млн ытла тенкӗ куҫарса паман. Юрать, ӑна, банка кайма тухнӑскере, полицейскисем тытса чарнӑ.

Ҫак арҫынпа мессенджер урлӑ палламан ҫын ҫыхӑннӑ. Вӑл ӑна хӑратса пӗтернӗ, укҫана «хӑрушсӑр счет» ҫине куҫарма ӳкӗте кӗртнӗ. Арҫын укҫа куҫарас тесе банка кайма тухнӑ, палламан ҫынна 1 млн тенкӗ ытла (ҫав шутран пӗр пайӗ кредит) куҫарса пама хатӗрленнӗ.

Полици уйрӑмне илсе кайсан тин вӑл ултавҫӑсене аллине лекнине ӑнланнӑ.

#Комсомольски районӗ, #ултавҫӑсем, #укҫа-тенкӗ, #полицейскисем