Чӑваш Енре сивӗ фрончӗ хӗвелтухӑҫ еннелле кайнӑ. Халӗ Хольгер антициклон хуҫаланать. Паян ҫанталӑк кӑшт уяртнӑ. Каҫхине 7-12 градус таран сивӗтӗ. Вырӑнӑн-вырӑнӑн тӗтре карса илнӗ.

Юнкун ҫил вӑйланӗ, уяр пулӗ. Ҫӗрле 17 градус таран сиветӗ, кӑнтӑрла 7-9 градус сивӗ пулӗ. Кӗҫнерникунпа эрнекун кӑштах юр ҫӑвӗ, ҫил-тӑман вӗҫтерӗ. Икӗ кунра 2 см хулӑнӑш юр ҫӑвӗ. Эрне вӗҫнелле 1-6 градус сивӗ тӑрӗ, юр ҫумӗ.

Малтанлӑха пӗлтернӗ тӑрӑх, нарӑс вӗҫӗнче, пуш пуҫламӑшӗнче антициклон хуҫаланӗ – хӗвел савӑнтарӗ. Кӑнтӑрласерен 0 градус пулӗ, ҫӗрле – 15 градус сивӗ.

#ҫутҫанталӑк, #синоптиксем