obr.so сайтран илнӗ сӑнӳкерчӗк

Чӑваш Енри хастарсем кӗҫӗн классенче ачасене чӑваш чӗлхи вӗрентмелли приложени хатӗрлесшӗн. Проекта ӑнӑҫлӑ хӳтӗлесен уншӑн грант илме пултарӗҫ.

Проекта Уйрӑм предметсене тарӑннӑн вӗрентекен Шупашкарти 40-мӗш шкул хатӗрленӗ.

Приложение 1-4 классенче вӗренекенсем валли тӑвасшӑн, унсӑр пуҫне вӑл чӑваш чӗлхи учителӗсем валли пулӗ.

Ачасене чӑваш чӗлхине вӗрентессипе кӑсӑклантарас тӗллевпе ҫав приложение 2024 ҫулта хатӗрлеме палӑртнӑ.

Халӗ ҫав проектшӑн obr.so сайтра сасӑлав пырать.

#вӗренӳ, #чӑваш чӗлхи, #чӑвашлӑх, #ачасем, #шкулсем, #Шупашкар, #грантсем, #сасӑлавсем