Чӑваш Енӗн ПТРК сӑнӳкерчӗкӗ

Шупашкар хулинче васкавлӑ пулӑшу машини ҫил-тӑман ҫунӑ хыҫҫӑн вӑхӑтра тасатман ҫул ҫинче путса ларнӑ. Чӑваш Енӗн патшалӑх телерадокомпанийӗнче кӑрлач уйӑхӗн 19-мӗшӗнче пӗлтернӗ тӑрӑх, тухтӑрсен машини «Байконур» микрорайонта лакса ларнӑ. Ӑна ҫынсем тӗксе кӑларнӑ.

Тележурналистсем шухӑшланӑ тӑрӑх, коммуналлӑ служба ӗҫченӗсем ҫуркуннене ҫитессе е юр ирӗлтерекен машина ӗҫлесе каясса кӗтеҫҫӗ курӑнать. Ҫав вӑхӑтрах хула ҫыннисен ӗҫе е вӗренӳ заведенине вӑхӑтра куллен ҫитмелле-ҫке, анчах ҫакӑ хӑш чухне чӑрмавлӑ пулса тухать. Маларах асӑннӑ васкавлӑ пулӑшу машинине тӗксе кӑларма хӑтланса, сӑмахран, ҫур сехет иртсе кайнӑ. Ӑна вара чирлӗ ҫын кӗтнӗ...

#машинӑсем, #тухтӑрсем, #ҫул-йӗр, #Шупашкар, #пӑтӑрмахсем