Вадим Ефимов. Сар.ru сӑнӗ.

Ӗнер, кӑрлач уйӑхӗн 17-мӗшӗнче, Чӑваш Енӗн информаци политикипе массӑллӑ коммуникацисен министрӗ Александр Иванов «Чӑваш Ен» издательствӑпа полиграфи компексӗн ӗҫченӗсене ҫӗнӗ пуҫлӑхпа паллаштарнӑ. Кун пирки асӑннӑ ведомство хӑйӗн сайтӗнче пӗлтернӗ.

«Чӑваш Ен» ИПК» акционерсен пӗрлӗхне малашне Вадим Ефимов ертсе пырӗ. Аса илтерер, хӑй вӑхӑтӗнче вӑл Чӑваш Енӗн культура, национальноҫсен ӗҫӗсен тата архив ӗҫӗн министрӗ тата К.В. Иванов ячӗпе хисепленекен Чӑваш патшалӑх драма театрӗн директорӗ пулнӑччӗ.

Тӗлпулу вӑхӑтӗнче информполитика министрӗ Александр Иванов ӗҫ коллективӗн ҫитес вӑхӑтра мӗнле ӗҫсем тумаллине палӑртнӑ, ҫӗнӗ пуҫлӑха ӑнӑҫу, ҫӗнӗ ҫитӗнӳсем тума суннӑ. Вадим Ефимов шаннӑшӑн тав сӑмахӗ каланӑ, предприятие аталантарма мӗн пур вӑя хурассине пӗлтернӗ.

#предприятисем, #пуҫлӑхсем, #министрсем, #тӳре-шара, #персона, #Шупашкар