Ҫак кунсенче Ҫӗнӗ Шупашкарти психиатри пульницинчи пациент тухса тарнӑ. Унӑн пӗр тӑван ҫеҫ, вӑл та пулин арҫын ӑҫта пулнине пӗлмест. Психика тӗлӗшӗнчен сывӑ мар ҫынна тупмашкӑн пулӑшу ыйтаҫҫӗ.

Алехин Виктор Вячеславович суя сӑлтав тупса пульницӑран тухса тарнӑ. Аппӑшӗ каланӑ тӑрӑх, арҫын шӑл ыратать тесе каланӑ. Ӑна Пионерсен урамӗнчи стоматологи поликлиникине илсе кайнӑ.

Арҫын тухтӑр патӗнче пулнӑ хыҫҫӑн тарнӑ. Вӑл хӑйне алӑра тытма пӗлмест: ҫынсене ҫапать, ҫӗмӗрет. Арҫынна куракансене 8-960-309-89-02 номерпе шӑнкӑравлама ыйтаҫҫӗ.

Тухса тарнӑ пациент 168 сантиметр ҫӳллӗш, кӑштах туллирех, уксахлать. Хура дубленка, кӑвак трико, ҫутӑ хӑмӑр пушмак тӑхӑннӑ.

#Ҫӗнӗ Шупашкар, #пульницӑсем, #шыравсем