Ҫӗрпӳ районӗнче те йӗлтӗр сырса старта тухнӑ. Анчах вӗсем пӗр кун маларах, нарӑсӑн 13-мӗшӗнче, ӑмӑрту ирттернӗ.

Спорт мероприятийӗ Олимп ҫулӑмне чӗртнинчен пуҫланнӑ. Ӑмӑртӑва 2,5 пин ҫын хутшӑннӑ. Ҫӗрпӳсем вӑй-хал культурипе туслӑ пулма, спорта юратма чӗнсе каланӑ.

Олимп ҫулӑмне чӗртме республика шайӗнче иртнӗ ӑмӑртусен призерне Артем Рахматова шаннӑ. Кун хыҫҫӑн старт пуҫланнӑ. Малтанах чи пӗчӗккисем 100 метр чупнӑ. Чи асли Константин Шаткин пулнӑ. Вӑл — 83 ҫулта. Ҫӗнтерӳҫӗсемпе призерсене укҫан хавхалантарнӑ, парнепе савӑнтарнӑ.

Унччен малтан эпир 83-ри Вера Орлова та йӗлтӗр ҫине тӑни пирки пӗлтернӗччӗ.

#Ҫӗрпӳ районӗ, #спорт, #йӗлтӗрпе чупасси, #Йӗлтӗр йӗрӗ