Chuvash.Org :: Пичет версиӗ :: Ҫӗньял (Шупашкар районӗ, Ҫӗньял)Ҫӗньял — Шупашкар районӗн ялӗ, Ҫӗньял ял тӑрӑхӗн тӗпӗ. Шупашкартан хх ҫухрӑмра, Кӳкеҫрен 10 ҫухрӑмра ларать.
Ял ҫывӑхӗнче икӗ пӗве пур.
1927 ҫулхи юпан 1-мӗшӗнче районсене туса хуриччен ял Шупашкар уесӗн Шемшер вулӑсне кӗнӗ. Ун хыҫҫӑн вара хальхи вӑхӑт таран Шупашкар районӗнче шутланать.
Ял совечӗ вырӑнтах пулнӑ. 1954 ҫулхи ҫӗртмен 14-мӗшӗпе 1960 ҫулхи акан 6-мӗшӗ хушшинче ҫеҫ Алькеш ял советне пӑхӑннӑ. Хальхи вӑхӑтра Ҫӗньял ял тӑрӑхне кӗрет.
2005 ҫул пуҫламӑшӗ тӗлне ялта 406 кил пулнӑ, пурӗ 1498 ҫын пурӑннӑ.
Ял газ кӗртнӗ. 2005 ҫул пуҫламӑшӗ тӗлне ялти килсенчен 92% газланӑ шутланать.
Перекет банкӗн ялта филиал пур.
Яла хытӑ ҫул сарнӑ. Автобуспа маршручӗпе Шупашкара ҫитме пулать.
Ҫӗньялта шкул, «Пепке» ача пахчи, пултарулӑх ҫурчӗ пур.
Тулли верси :: Статья каҫми