Евгений Евтушенко


Манпа ак мĕн пулса иртет...


Б. Ахмадулинăна

Манпа ак мĕн пулса иртет:

Тек ман пата кив тус кĕмест,

Çӳреççĕ кунĕн-çĕрĕнех

Темле йышши такам та тем.

Ман тус та тĕлсĕррĕн çӳрет,

Хăй йăнăш тунине пĕлет.

Ним уссăр хирĕçӳ пулни –

Ик чĕрене вучах хуни.

Манпа ак мĕн пулса иртет:

Тек ман пата ют хĕр çӳрет –

Вăл уртăнать хулпуççирен,

Пит хăптарасшăн савнирен.

Савнин, пĕлесчĕ хăш яша,

Хулпуççирен уртăнмалла?

Вăл, мансăр юлнăскер тăрса,

Çын савнине илейĕ-çке туртса.

Тӳрех куç хывмĕ ют качча,

Вăл асапланĕ пĕр кана,

Анчах та вăхăт иртнĕçем

Пулсах пулаç юратусем.

Мĕн чухлĕ

хирĕçӳ,

асап,

Мĕн чухлĕ

чарсăрлăх курап!

Анчах ăçта пытанăп-ши тарса?

Кам та пулин,

килсем,

аркат

Чунпа ютсен пĕрлешĕвне,

Ик тачă чун уйрăлăвне!

 

2008 çул, чӳк уйăхĕ

Ан васка


Ан васка, ан васка ман пата:

Мана инçетре питĕ йывăр чухне,

Манăн тĕлĕкĕм йывăр чухне,

Кантăкран инкек пăхнă чухне.

Эс васка кӳрентернĕ чухне,

Эс васка юлташ кирлĕ чухне,

Эс васка хуйхă пуснă чухне,

Эс васка, эс васка.

 

Ан васка, ан васка эпир

Иккĕн чухне, инкек çуккă чухне.

Калаччăр шывсем, çулçăсем,

Çултăр, çутă тата поезд: «Çапла»

Ан васка — пăхсан куçран куçа,

Ан васка — юрамасть васкама,

Ан васка — çут тĕнче шăплăхра,

Ан васка, ан васка!

 

2010 çулхи юпа уйăхĕн 4-мĕшĕ