Праски Витти


«Яташăм, тăванăм, ыр чунăм...»


Халăх художникне В.П.Петрова

 

Яташăм, тăванăм, ыр чунăм,

Чĕлхе тăрринчи пыл тути!

Аташăп, пăлханăп та çунăп,

Тен, юлĕ манран вĕтĕ çунăк —

Эс пултăн чăвашлăх çути!

 

Эс лартнă Юпа — чĕрĕ палăк —

Этемлĕх ăс-халĕн витти:

Чăваш тĕпелне уçрĕ алăк,

Ăнланчĕ хăйне чĕмсĕр халăх...

Çапла пул, чăвашăн Витти!

 

1996, авăн, 17.

Виталий Станьял | Сăвă | 1996 | Праски Витти | 343

«Праски Витти кăмакара пĕçерчĕ...»


Праски Витти кăмакара пĕçерчĕ

Вĕт-вĕт икерчĕ пек пин-пин ӳкерчĕк:

Шыва пăрахчăр, тислĕк айне печчĕр,

Ниçта нихçан пĕтмест эмаллĕ терчĕ!

Виталий Станьял | Сăвă | Праски Витти | 138