Каçал таврашĕнче вăрман
Пур ман.
Хумпа илем кӳрет пите
Кĕтне.
Çилпе çаврăнкалать аран
Арман,
Хитре курнать хăй сăнĕпе
Тӳпе.
Хăй ăшшипе кĕрет хĕвел
Хĕве.
Каçпа шур уйăх çутатать,
Тата
Ачаш çил вĕркелет вĕл-вел,
Пин-пин çеçке эс улăхран
Татан.
Хĕрсем пирте питех хитре —
Питрен.
Ĕçре курас пулсан енчен —
Ĕçчен!
Ĕç хыççăн вăйăран клубра
Вара
Яшсем ташлаççĕ çурçĕрччен,
Ирччен.
Тăван тавралăхăм, сана,
Сăнна
Асран кăларас çук нихçан.
Ан ман!