Ула-чăла хура пĕлĕт
Пĕр çĕрелле пухăнать.
Ăшă вăрăм ырă кун
Пĕрмай кĕскелсе пырать.
Хĕвел ăшши çуккипе
Кунсем сивĕ тăраççĕ.
Xpecчен ĕçчен çыннисем
Тул çутлаччен тăраççĕ.
Выльăхсене пуçтарсан,
Анкартине куçаççĕ,
Хĕвел ансан, тĕттĕмччен
Пĕр канмасăр ĕçлеççĕ.
Ир пулсасан анкарнче
Тăпач сасси илтĕнет,
Йĕтем тăрăх тыр шăлса
Шăпăр-çулăк вĕлкĕшет.
Ешĕл йывăç майĕпех
Хăй тумтирне хыватех,
Çырма-урам тăршшĕпех
Шурă тĕтре тăратех.