Нарт-нарт-нарт, нарт-нарт-нарт!
Шурăмпуç шуралчĕ, нарт!
Ĕнтĕ вăхăт выляма,
Васкар халĕ урама.
Нарт-нарт-нарт, нарт-нарт-нарт!
Хаваспа утатпăр, нарт!
Килтĕмĕр пĕве хĕрне,
Шыв сапатпăр пĕр-пĕрне!
Нарт-нарт-нарт, нарт-нарт-нарт!
Ишнĕ май чăматпăр, нарт!
Выльăпăр пытанмалла,
Хӳререн вăшт тытмалла.
Нарт-нарт-нарт, нарт-нарт-нарт!
Каçхи шуçăм çитрĕ, нарт!
Килелле халь каймалла,
Килĕпĕр ыран, калла!